Að halda úti vefsíðu er fjárfesting sem flest fyrirtæki fara útí en það er því miður mjög algengt að síðunni sé illa haldið við. Síðan er ekki uppfærð, sem skapar hættu á netárásum og nýtt efni kemur sjaldan inn. Einning er algengt að síðan verði hæg og notendaupplifunin sé þar með ekki jákvæð. Þannig rýrist verðmæti vefsíðunnar hratt og hún hættir að þjóna tilgangi. Yfirleitt er stærsta ástæðan fyrir úreltum og illa viðhöldnum vefsíðum tímaleysi eða vankunnátta.
Með því að skrá vefsíðuna í vefumsjón tryggir þú að þín síða sé ávallt uppfærð og allt virki eins og það á að gera. Þegar að nýjum uppfærslum á kerfinu, þema eða viðbótum kemur tryggjum við að síðan uppfærist og engar villur séu til staðar. Við tökum reglulega öryggisafrit af síðunni og vistum á skýji þannig að þú getir verið viss um að fjárfestingin þín tapist ekki ef eitthvað kemur uppá. Ef að þú hefur ekki tök á að setja inn efni á síðuna er hægt að senda efnið til okkar og við komum því greiðlega á vefinn. Við gerum mánaðarlegar hraðaprufanir og fylgjumst með síðunni, ásamt því að finna úrræði til að auka hraða og virkni síðunnar ef þess þarf.
Við uppfærum síðuna þína og yfirförum mánaðarlega. Fylgjumst með að engar villur séu til staðar á síðunni og allt virki eins og það á að gera. Tökum regluleg öryggisafrit af síðunni svo það sé öruggt að þú tapir ekki síðunni þinni.
Reglulega uppfært efni hjálpar til við leitarvélabestun. Þú semur efnið og við setjum það á síðuna fyrir þig ef þú hefur ekki tök á því. Ef að langur tími líður án þess að nýtt efni sé sett inn, sendum við þér tilkynningu og minnum þig á að nú sé kominn tími til að setja inn nýtt efni.
Hluti af því að fylgjast vel með heilsu síðunnar er að hraðaprófa hana reglulega. Við gerum mánaðarlegar hraðaprófanir og fylgjumst með hvort vefsíðan sé of lengi að birtast notandanum. Finnum svo viðeigandi úrræði fyrir síðuna þína ef þess þarf.
BLAИK – Markaðsstofa sérhæfir sig meðal annars í vefhönnun, leitarvélabestun og stafrænni markaðssetningu.